Om Visit Hardangerfjord

Det er ei rekke fordeler med medlemskap i Visit Hardangerfjord, og me jobbar kontinuerleg med å auka verdien ein får som medlemsverksemd. Fordeler som kan nemnast er blant anna: 

Produktpresentasjon og god synlegheit på nettsidene våre, i tillegg til Visit Norway og Fjord Norway. Ein får også omtale i trykksakene våre (fleire hundre tusen eksemplar og målretta distribusjon), som er gode verktøy både for B2C- og B2B-marknaden.
Medlemskapet gjev deg også moglegheit for å delta i internasjonale reklamekampanjar, samt god synlegheit på internasjonale messer og workshops retta mot turoperatør-marknaden. Medlemmer vert også inkludert i presse- og visningsturar. Dette, kombinert med målretta presse- og PR-arbeid, kan gje god synlegheit i media.
Visit Hardangerfjord er godt synleg ute i marknaden, og me tilbyr medlemmene våre fleire gode digitale og trykte annonsealternativ til ein rabattert sum.

Medlemsverksemder får også tilgang til møter, workshops og kurs i regi av Visit Hardangerfjord. Kunnskapsdeling og samarbeid er utruleg viktig for å lukkast med utvikling av regionen. Og nettopp dette fellesskapet er noko av det mest sentrale med eit medlemskap. For skal ein verkeleg lukkast med reiselivet i Hardanger, må me stå saman og jobba i lag. Og kvar ei krone som går inn til Visit Hardangerfjord, går tilbake til marknadsføring og utvikling av regionen. Jo fleire som er med, jo meir får me gjort saman.