Auke i antal besøkande

Marknadsføring B2B står for omlag 1/3 av omsetninga innan fleire av segmenta i Hardanger regionen, i nokre tilfeller endå meir. Dette gjer til at medlemmene våre veit kva dei kan førebu seg på og ha stabil profesjonalitet.
Etter å ha snakka med turistinformasjonane og dei store overnattingsbedriftene i Hardanger, kan me konkludere med at det har vore en god sommar i Hardanger. Det har vore vekst av turistar i Noreg generelt, og det har vore auke i Hardanger både når det gjeld besøkstal hjå turistinformasjonane og overnatting på hotell og campingplassar. Hotella me har snakka med, har hatt ei auke på rundt 20 prosent denne sommaren samanlikna med i fjor.

Visit Hardangerfjord arrangerer

Fyrste del av året var særs hektisk på marknadsføringsfronten B2B hjå oss. Me starta i februar med Hardangerfjord Event i Milano der me inviterte relevante turoperatørar i Italia til å være med på workshop på Westin Palace Hotel. Me hadde også med oss Bergen, Ryfylke og Haugesund slik at turoperatørane kan planlegge rundreise. Me fekk hjelp av Innovasjon Norge i Milano (Marco) til å invitere turoperatørar og til å finne restaurantar etc. Luca som jobbar for Innovasjon Norge i Spania var også med sida han opprinnelig er i frå Milano. Det var eit særs vellukka arrangement!

Italia er ein av dei marknadane som veks for reiser til Hardanger, i tillegg til Frankrike, Spania, Belgia og Nederland. I mars var me i Brüssel på eit event som Visit Bergen arrangerte, der me fekk vise oss fram til turoperatørar i Belgia. I slutten av mars arrangerte med Hardanger Next, reiselivskonferanse for aktørar i Hardanger og omegn. Det var fantastisk oppmøte og det er kjekt å ha ein plattform der ein kan prate/sparre og diskutere med aktørar i same bransje.

Workshop i Noreg

I starten av mars var me i Bodø på NTW (Norwegian Travel Workshop) som er den største reiselivs-samlinga der ein finn ca 350 internasjonale turoperatørar samla på ein plass. Ein bookar møter i forkant og får snakke med mange relevante turoperatørar og incoming agentar. Me hadde heilt fullbooka møtelister og måtte til og med ta i bruk pausane for å få prate med alle som var interessert i Hardanger som reisemål. Stemmebåndet var rufsete i kantane etter desse dagane med intens møtevirksomheit. Rett før sommarferien og i august hadde me besøk av journalistar som ynskjer å skrive om Hardanger, kulturen vår og fruktgardar/siderproduksjon.

‍

Planar framover
‍
I september skal me ha ein visningstur i regi av Innovasjon Norge og framover hausten skal me planlegge neste år. Eg vil ta kontakt med medlemmer framover for å kartlegge aktivitetar framover, samt kobling til relevante turoperatørar. I desember skal me tradisjonen tru arrangere Hardangerfjord Luncheon i London. Me har også begynt å planlegge nytt Hardangerfjord Event, som neste år blir i Paris. Me skal også delta på forskjellige workshops i regi av Innovasjon Norge, evt. Fjord Norge og så vurderer me å delta på oversjøisk workshop i Asia til neste år. Det er mykje spanande som skjer framover og me skal etter beste evne fortsetje å fremje Hardangerfjord og våre medlemmer, gjennom visnings- og presseturar og workshops i inn- og utland.