11. juni dukkar det opp eit nytt ansikt hjå oss i Visit Hardangerfjord. Han heiter Simon og skal hjelpa oss med å laga mykje bra innhald fram til midten av august.  

Han studerer på Høgskulen i Volda og er framifrå dyktig med både foto- og filmkamera. Han kan også skilta med gode eigenskapar på digitale flatar, som til dømes sosiale medier og arbeid på nettsider.

Tilsetjinga av Simon heng saman med Visit Hardangerfjord si satsing på innhaldsproduksjon. I staden for å seia kor fint og flott me har det, skal me bruka bilete, video og tekst for å verkeleg visa det til turistane. I dette arbeidet kjem Simon til å spela ei sentral rolle og jobba saman med Sjur.

Les også: Startar med innhaldsproduksjon

Målet er at Simon skal vera minst mogeleg på kontoret i sommar. Me ynskjer at han skal vera mest mogeleg ute i naturen og på besøk hjå dykk. Me tek kontakt medmedlemsbedriftene våre i førevegen før Simon eventuelt kjem på besøk.

‍