I 2025 har Visit Hardangerfjord gjennomført ei rekkje strategiske B2B-tiltak for å styrkja Hardanger si posisjon i den internasjonale marknaden. Aktiviteten har vore retta mot turoperatørar og bransjeledd med dokumentert salspotensial, og har hatt tydeleg vekt på naturbaserte opplevingar, lokalmat og sider, samt moglegheiter for program utanom høgsesong.

Utvalde B2B-hendingar og møteplassar

4.–6. februar – Hardangerfjord Event, Milano (Westin Palace)
15 medlemsbedrifter deltok, med om lag 30 turoperatørar til stades. Det vart særleg etterspurnad etter natur, naturbaserte aktivitetar og lokal mat- og drikkekultur.

12.–13. mars – Workshop i Brussel (i regi av Visit Bergen)
Deltaking saman med medlemmer (m.a. Tyssedal Hotel og Trolltunga Adventures). God interesse for fjell og aktivitetar, inkludert produkt som kan gå utanom sommarsesongen.

26.–27. mars – Hardanger Next, Hardangerfjord Hotel
Fagleg møteplass for medlemmene med fokus på samarbeid, produktutvikling og erfaringsutveksling – viktig for å løfta kvalitet og leveranseevne i B2B-marknaden.

31. mars–3. april – Norwegian Travel Workshop (NTW), Bodø
Absolutt fullbooka møtedagar og totalt 34 konkrete møter (mot normalt om lag 25). Turoperatørane kom i hovudsak frå Italia, Spania, Nederland, Storbritannia, i tillegg til Asia, USA og Canada, samt noko frå Danmark og Sverige. Hovudbodskapen frå marknaden var sterk interesse for roleg, autentisk og rein natur, stillheit og opplevingar som står i kontrast til masseturisme. Inntrykket er at interessa for Hardanger er aukande.

13.–14. august – Visningstur japansk turoperatør
Programutvikling med konkrete avklaringar for neste års turar (m.a. Kinsarvik/Rosendal) og tydeleg fokus på kultur, lokal forankring og kvalitetsprodukt.

22.–23. september – Internasjonal visningstur i samarbeid med Visit Sunnhordland
Samarbeidsløp som styrkjer heilskaplege rundreiser og pakker (Hardanger/Sunnhordland), med sentrale besøks- og overnattingspunkt i Ullensvang og Rosendal.

1.–2. desember – Hardangerfjord Luncheon London (41. gong)
Fullbooka med over 30 turoperatørar og venteliste. 19 deltakarar frå Hardanger og nærliggande regionar (inkl. Visit Bergen, Visit Haugesund og Visit Voss). UK vert framheva som ein særleg viktig marknad, og arrangementet kombinerte sal og relasjonsbygging med tydeleg Hardanger-profil (sider og kulturelt innslag).

Visningsturar og presseturar

Gjennom året har vi òg gjennomført fleire visnings- og presseturar (i tillegg til dei nemnde), der hovudmålet har vore å gjera Hardanger enklare å selja gjennom betre produktforståing, betre rute-/logistikkgrep og sterkare historieforteljing. Desse turane gir konkrete effektar i form av nye program, redaksjonell omtale og auka tryggleik hjå salleddet når dei skal setja saman og prisa reiser til regionen.

Overordna marknadsinnsikt frå 2025

• Tydleg etterspurnad etter autentiske natur- og kulturopplevingar, ro og kvalitet framfor “massestrøm”.
• Aukande interesse for skuldersesong og heilårsprodukt, særleg når aktivitetar, vertskap og logistikk er tydeleg pakka og kommunisert.
• Hardanger si lokale mat- og drikkeforteljing (særleg sider) fungerer som ein sterk differensierande faktor i internasjonale møte.

Dette samla B2B-arbeidet har styrkt relasjonar, synleggjort Hardanger sine konkurransefortrinn og lagt eit betre grunnlag for sal og trafikk til regionen i komande sesongar.

‍