No kan du vera med på digitale annonser og kampanjar gjennom Visit Hardangerfjord.

Visit Hardangerfjord har dei siste vekene jobba knallhardt med å få fleire nordmenn til å via turen til Hardanger i sommar. Dette har me gjort gjennom aktivt presse- og PR-arbeid, auka aktivitet på sosiale medier og målretta, digital annonsering. Dette har gjeve oss gode resultat, og me kjem til å halda fram med denne satsinga.

Visit Hardangerfjord har inngått ein avtale med dyktige Viva Media om oppsett, handtering og rapportering av annonser på sosiale medier. I den forbindelse har me også forhandla fram gunstige avtalar for medlemmene våre. Dette har me gjort for å gjera det enklare for dykk å byrja med denne typen annonsering.

Me forstår at det er ein krevjande situasjon for mange, men har du høve til å investera noko for å auka synlegheita ovanfor nordmenn, er dette ein utruleg bra måte å gjera det på.

Over 80 prosent av nordmenn har ein profil på sosiale medier. Nesten like mange brukar det kvar dag eller kvar veke, og spesielt no under korona-pandemien. Visit Hardangerfjord ser ein klar auke i engasjement og aktivitet på sosiale medier. Mange sit heima i inspirasjonsfasen og drøymer seg vekk, og det er desse me ynskjer å nå ut til. 

Trykk her for meir informasjon om annonsering på sosiale medier og dei ulike pakkane me har forhandla fram.