Observante sjeler har gjerne fått med seg at Hardangerfjord.com har vore gjennom store endringar det siste året, og 2022 er intet unntak. Snart vert fase 2 av den nye nettsida lansert. Då kjem det nye funksjonar som scrolling essay, temasider med inspirasjonsartiklar, tettare kopling mellom arrangement og reiseliv, oppdatert profil, og det berre for å nemna noko.

I tillegg til dette, kjem me til å rulla ut heilt nye annonse- og synlegheitsalternativ på nettsida. Dette er noko me har ønska oss lenge, og me ser fram til å kunna gje medlemsverksemder gode verktøy for å få auka synlegheit på Hardangerfjord.com. Talet vitjande på sida aukar stadig, noko som gjev deg gode moglegheiter for å nå ut til relevante målgrupper på ein kostnadseffektiv måte. I alle opplistingar ser de ei «hardanger-rose» og/eller «sponsa» oppe til høgre på dei omtalane som kjem fyrst. Dette er betalte plasseringar. For dei som ikkje kjøper seg større merksemd / synlegheit, får dei omtale som vanleg i opplistinga. Rekkefylgja er heilt tilfeldig og vert oppdatert kvar natt. Me kjem attende med meir informasjon!

I mellomtida nyttar me høvet til å anbefala dykk å sjå over omtalen dykkar på heimesida vår! I tillegg til våre eigne kanalar, får de svært god synlegheit på Visit Norway og Fjord Norway sine sider. Det at alle medlemmer i Visit Hardangerfjord får omtale på desse tre nettsidene, er utruleg bra og verdifult. For å nå ut til potensielle turistar, er dette tre nettsider som gjev svært god synlegheit mot tusenvis av konkrete turistar med genuin interesse for å besøka Hardanger-regionen. Ta dykk difor tid til å sjå over omtalen dykkar på Hardangerfjord.com. Er den mangelfull, treng nye bilete, osv, send det gjerne til oss!

‍