I haust inviterer Visit Hardangerfjord til ei rekkje opne folkemøte i alle Hardanger-kommunane. Målet er å lytta til innbyggarane og få innspel til arbeidet vårt med ein regional reiselivsstrategi for Hardanger.

Tid og stad for møta:

• 20. okt klokka 18-21 - Hardangerfjord Hotel, Øystese
• 22. okt klokka 18-21 - Rosendal Fjordhotell, Kvinnherad
• 03. nov klokka 18-21 - Kultursalen, Vøringfoss Hotel i Eidfjord
• 04. nov klokka 18-21 - Jondal Hotel, Jondal
• 12. nov klokka 18-21 - Heradsstyresalen, Ulvik Rådhus
• 17. nov klokka 18-21 - Kommunestyresalen, Odda
• 18. nov klokka 18-21 - Hotel Ullensvang, Lofthus

Me vil møtast fordi det er de som har kvardagen her – medan andre kjem som gjestar. Me vil høyra korleis Hardingane opplever at reiselivet verkar inn på bygdene – både positivt og negativt. Kva moglegheiter gjev det? Kva utfordringar merkar ein? Kva type reiseliv ynskjer me eigentleg å ha i framtida?

Møta er for alle som bur i Hardanger – anten du er ungdom eller pensjonist, driv næring, er engasjert i frivillige lag og organisasjonar, eller berre bryr deg om bygda di.

‍

Har du spørsmål om arbeidet med regional reiselivsstrategi? Ta kontakt med Margit Lund Mikkelson  +47 911 51 009

Les også: Første folkemøte i Tyssedal